سورت An-Naba

عَمَّ يَتَسَآءَلُونَ ﴿١﴾

دوى د څه شي په باره كې یو له بل پوښتنه كوي؟

عَنِ ٱلنَّبَإِ ٱلْعَظِيمِ ﴿٢﴾

د ډېر لوى خبر په باره كې

ٱلَّذِى هُمْ فِيهِ مُخْتَلِفُونَ ﴿٣﴾

هغه چې دوى په هغه كې سره اختلاف كوونكي دي

كَلَّا سَيَعْلَمُونَ ﴿٤﴾

نه دې كوي (دغه اختلاف او پوښتنې)، ژر به دوى پوه شي

ثُمَّ كَلَّا سَيَعْلَمُونَ ﴿٥﴾

بیا هیڅكله دې نه كوي، ژر به دوى پوه شي

أَلَمْ نَجْعَلِ ٱلْأَرْضَ مِهَٰدًۭا ﴿٦﴾

ایا مونږ ځمكه فرش نه ده ګرځولې؟

وَٱلْجِبَالَ أَوْتَادًۭا ﴿٧﴾

او غرونه (مو) میخونه

وَخَلَقْنَٰكُمْ أَزْوَٰجًۭا ﴿٨﴾

او مونږ تاسو پیدا كړي یئ جوړې (نر او ښځه)

وَجَعَلْنَا نَوْمَكُمْ سُبَاتًۭا ﴿٩﴾

او مونږ ستاسو خوب (تاسو لپاره) راحت ګرځولى دى

وَجَعَلْنَا ٱلَّيْلَ لِبَاسًۭا ﴿١٠﴾

او شپه مو لباس ګرځولې ده

وَجَعَلْنَا ٱلنَّهَارَ مَعَاشًۭا ﴿١١﴾

او ورځ مو د روزۍ لټولو وخت ګرځولى دى

وَبَنَيْنَا فَوْقَكُمْ سَبْعًۭا شِدَادًۭا ﴿١٢﴾

او ستاسو له پاسه مو اوه ډېر مضبوط اسمانونه جوړ كړي دي

وَجَعَلْنَا سِرَاجًۭا وَهَّاجًۭا ﴿١٣﴾

او مونږ روښانه ځلېدونكې ډېوه پیدا كړې ده

وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿١٤﴾

او مونږ له ډكو ورېځو نه ډېرې تويېدونكې اوبه نازلې كړې دي

لِّنُخْرِجَ بِهِۦ حَبًّۭا وَنَبَاتًۭا ﴿١٥﴾

د دې لپاره چې مونږ په دغو (اوبو) سره دانې او زرغونه راوباسو

وَجَنَّٰتٍ أَلْفَافًا ﴿١٦﴾

او باغونه یو له بل سره نژدې

إِنَّ يَوْمَ ٱلْفَصْلِ كَانَ مِيقَٰتًۭا ﴿١٧﴾

بېشكه د فیصلې ورځ مقرر وخت دى

يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿١٨﴾

هغه ورځ چې پوكى به ووهل شي په شپېلۍ كې، نو تاسو به ډلې ډلې راځئ

وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿١٩﴾

او اسمان به پرانستل شي، نو دى به دروازې دروازې وي

وَسُيِّرَتِ ٱلْجِبَالُ فَكَانَتْ سَرَابًا ﴿٢٠﴾

او غرونه به روان كړى شي، نو دوى به سراب شي

إِنَّ جَهَنَّمَ كَانَتْ مِرْصَادًۭا ﴿٢١﴾

بېشكه دوزخ به د انتظار ځاى (كمین ځاى) شي

لِّلطَّٰغِينَ مَـَٔابًۭا ﴿٢٢﴾

د سركشو لپاره د ورتللو ځاى

لَّٰبِثِينَ فِيهَآ أَحْقَابًۭا ﴿٢٣﴾

چې دوى به په هغه كې زمانې زمانې (همېشه) پاتې كېږي

لَّا يَذُوقُونَ فِيهَا بَرْدًۭا وَلَا شَرَابًا ﴿٢٤﴾

دوى به په هغه كې نه څه یخوالى څَكي او نه څه اوبه

إِلَّا حَمِيمًۭا وَغَسَّاقًۭا ﴿٢٥﴾

غیر د اېشېدلو تودو اوبو او بهېدونكو وینو زوو نه

جَزَآءًۭ وِفَاقًا ﴿٢٦﴾

بدله به وركولى شي د عملونو سره برابره موافقه

إِنَّهُمْ كَانُوا۟ لَا يَرْجُونَ حِسَابًۭا ﴿٢٧﴾

بېشكه دوى به د حساب امېد نه كاوه

وَكَذَّبُوا۟ بِـَٔايَٰتِنَا كِذَّابًۭا ﴿٢٨﴾

او زمونږ ایتونه به يې دروغ ګڼل، سخت دروغ ګڼل

وَكُلَّ شَىْءٍ أَحْصَيْنَٰهُ كِتَٰبًۭا ﴿٢٩﴾

او هر شى، مونږ هغه په كتاب (لوح محفوظ) كې شمېرلى (او محفوظ كړى) دى

فَذُوقُوا۟ فَلَن نَّزِيدَكُمْ إِلَّا عَذَابًا ﴿٣٠﴾

نو تاسو (خپله سزا) وڅَكئ۔، پس مونږ به تاسو ته له سره زیات نه كړو مګر عذاب

إِنَّ لِلْمُتَّقِينَ مَفَازًا ﴿٣١﴾

بېشكه خاص د متقیانو لپاره كامیابي ده

حَدَآئِقَ وَأَعْنَٰبًۭا ﴿٣٢﴾

(چې) باغونه او انګور دي

وَكَوَاعِبَ أَتْرَابًۭا ﴿٣٣﴾

او انارسینه همځولې پېغلې دي

وَكَأْسًۭا دِهَاقًۭا ﴿٣٤﴾

او ترڅنډو پورې ډكې د شرابو پیالې دي

لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿٣٥﴾

دوى په دغه (جنت) كې نه لغوه (بېكاره) خبره اوري او نه دروغ

جَزَآءًۭ مِّن رَّبِّكَ عَطَآءً حِسَابًۭا ﴿٣٦﴾

د رب له جانبه به بدله وركولى شي۔ (د عملونو) په حساب سره ډېره وركړه

رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿٣٧﴾

چې د اسمانونو او ځمكې رب دى او د هغه څه چې د دغو دواړو په مینځ كې دي، چې ډېر زیات مهربان دى، دوى له هغه سره د خبرو كولو اختیار (او قدرت) نه لري

يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿٣٨﴾

په هغې ورځ كې چې روح او ملايك به صفونه صفونه ودرېږي۔، دوى به خبرې نشي كولى مګرهغه څوك چې هغه ته رحمٰن اجازت وركړي او ده (په دنیا كې) حقه خبره (لا إله الا الله) ویلې وي

ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿٣٩﴾

دغه حق ورځ ده، نو هغه څوك چې د خپل رب په طرف د ورتلو ځاى نیسي (نو ودې نیسي)

إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿٤٠﴾

بېشكه مونږ تاسو له نژدې (راتلونكي) عذاب څخه ووېرولئ، په هغه ورځ كې چې هر سړى به هغه څه ته ګوري چې د ده لاسونو مخكې لېږلي دي او كافر به وايي: اى كاشكې چې زه خاورې وى