سورت Al-Muddaththir

يَٰٓأَيُّهَا ٱلْمُدَّثِّرُ ﴿١﴾

اى په جامه كې نغښتونكیه!

قُمْ فَأَنذِرْ ﴿٢﴾

ته پورته شه، نو (خلق) ووېروه

وَرَبَّكَ فَكَبِّرْ ﴿٣﴾

او نو د خپل رب لويي بیانوه

وَثِيَابَكَ فَطَهِّرْ ﴿٤﴾

او نو خپلې جامې پاكې ساته

وَٱلرُّجْزَ فَٱهْجُرْ ﴿٥﴾

او ګناه (او بتان) نو ترك كړه

وَلَا تَمْنُن تَسْتَكْثِرُ ﴿٦﴾

او (داسې) احسان مه كوه چې بدل (او ډېرول) يې غواړې

وَلِرَبِّكَ فَٱصْبِرْ ﴿٧﴾

او خاص د خپل رب لپاره، پس صبر كوه

فَإِذَا نُقِرَ فِى ٱلنَّاقُورِ ﴿٨﴾

نو كله چې په شپېلۍ كې پوكى وكړى شي

فَذَٰلِكَ يَوْمَئِذٍۢ يَوْمٌ عَسِيرٌ ﴿٩﴾

نو په دغه وخت كې دغه ډېره سخته ورځ ده

عَلَى ٱلْكَٰفِرِينَ غَيْرُ يَسِيرٍۢ ﴿١٠﴾

په كافرانو باندې اسانه نه ده

ذَرْنِى وَمَنْ خَلَقْتُ وَحِيدًۭا ﴿١١﴾

ته پرېږده ما او هغه څوك چې ما دى يواځې پیدا كړى دى

وَجَعَلْتُ لَهُۥ مَالًۭا مَّمْدُودًۭا ﴿١٢﴾

او (بیا مې) ده ته ډېر زیات مال وركړ

وَبَنِينَ شُهُودًۭا ﴿١٣﴾

او زامن حاضر (باشه)

وَمَهَّدتُّ لَهُۥ تَمْهِيدًۭا ﴿١٤﴾

او ده ته مې فراخي وركړه، ډېره فراخي

ثُمَّ يَطْمَعُ أَنْ أَزِيدَ ﴿١٥﴾

بیا دى طمع لري چې زه به ده ته لا زیات وركړم

كَلَّآ ۖ إِنَّهُۥ كَانَ لِءَايَٰتِنَا عَنِيدًۭا ﴿١٦﴾

هیڅكله هم نه، بېشكه دى زمونږ له ایتونو سره ډېر عناد كوونكى (مخالف) و

سَأُرْهِقُهُۥ صَعُودًا ﴿١٧﴾

ژر به زه ده ته ډېر سخت تكلیف وركړم

إِنَّهُۥ فَكَّرَ وَقَدَّرَ ﴿١٨﴾

بېشكه ده فكر وكړ او اندازه يې وكړه

فَقُتِلَ كَيْفَ قَدَّرَ ﴿١٩﴾

پس دى دې هلاك كړى شي، ده څنګه اندازه وكړه؟

ثُمَّ قُتِلَ كَيْفَ قَدَّرَ ﴿٢٠﴾

بیا دې هلاك كړى شي، ده څنګه اندازه وكړه

ثُمَّ نَظَرَ ﴿٢١﴾

بیا يې وكتل

ثُمَّ عَبَسَ وَبَسَرَ ﴿٢٢﴾

بیا يې مخ تریو كړ او وچولى (تندى) يې بوټ كړ

ثُمَّ أَدْبَرَ وَٱسْتَكْبَرَ ﴿٢٣﴾

بیا يې شا كړه او لويي يې وكړه

فَقَالَ إِنْ هَٰذَآ إِلَّا سِحْرٌۭ يُؤْثَرُ ﴿٢٤﴾

نو ده وویل: نه دى دا (قرآن) مګر داسې جادو چې رانقل كولى شي

إِنْ هَٰذَآ إِلَّا قَوْلُ ٱلْبَشَرِ ﴿٢٥﴾

نه دى دا مګر د انسان قول

سَأُصْلِيهِ سَقَرَ ﴿٢٦﴾

ژر به زه دى د دوزخ اور ته داخل كړم

وَمَآ أَدْرَىٰكَ مَا سَقَرُ ﴿٢٧﴾

او ته څه شي پوه كړې چې سقر (د دوزخ اور) څه شى دى

لَا تُبْقِى وَلَا تَذَرُ ﴿٢٨﴾

دى به نه باقي ساتي او نه به پرېږدي

لَوَّاحَةٌۭ لِّلْبَشَرِ ﴿٢٩﴾

انسان لره ډېر سوځوونكى دى

عَلَيْهَا تِسْعَةَ عَشَرَ ﴿٣٠﴾

په ده باندې نولس (ملايك) مقرر دي

وَمَا جَعَلْنَآ أَصْحَٰبَ ٱلنَّارِ إِلَّا مَلَٰٓئِكَةًۭ ۙ وَمَا جَعَلْنَا عِدَّتَهُمْ إِلَّا فِتْنَةًۭ لِّلَّذِينَ كَفَرُوا۟ لِيَسْتَيْقِنَ ٱلَّذِينَ أُوتُوا۟ ٱلْكِتَٰبَ وَيَزْدَادَ ٱلَّذِينَ ءَامَنُوٓا۟ إِيمَٰنًۭا ۙ وَلَا يَرْتَابَ ٱلَّذِينَ أُوتُوا۟ ٱلْكِتَٰبَ وَٱلْمُؤْمِنُونَ ۙ وَلِيَقُولَ ٱلَّذِينَ فِى قُلُوبِهِم مَّرَضٌۭ وَٱلْكَٰفِرُونَ مَاذَآ أَرَادَ ٱللَّهُ بِهَٰذَا مَثَلًۭا ۚ كَذَٰلِكَ يُضِلُّ ٱللَّهُ مَن يَشَآءُ وَيَهْدِى مَن يَشَآءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِىَ إِلَّا ذِكْرَىٰ لِلْبَشَرِ ﴿٣١﴾

او مونږ د دوزخ څوكيداران نه دي ګرځولي مګر ملايك او مونږ د دوى شمېر نه دى ګرځولى مګر ازمېښت د هغو كسانو لپاره چې كافران شوي دي، د دې لپاره چې هغه كسان یقین وكړي چې كتاب ورته وركړى شوى دى او د هغو كسانو ایمان زیات شي چې ایمان يې راوړى دى او شك ونه كړي هغه كسان چې كتاب ورته وركړى شوى دى او مومنان۔ او د دې لپاره چې هغه كسان ووايي چې د هغوى په زړونو كې مرض دى او كافران: الله په دې سره د مثال په لحاظ څه اراده كړې ده۔. همداسې الله ګمراه كوي چا ته چې وغواړي او هدایت وركوي چا ته چې وغواړي۔ او ستا د رب لښكرې نه پېژني مګر هم دى. او نه دى دا مګر د خلقو لپاره نصیحت (او پند)

كَلَّا وَٱلْقَمَرِ ﴿٣٢﴾

هیڅكله داسې نه ده، قسم دى په سپوږمۍ

وَٱلَّيْلِ إِذْ أَدْبَرَ ﴿٣٣﴾

او په شپې باندې كله چې شا كړي

وَٱلصُّبْحِ إِذَآ أَسْفَرَ ﴿٣٤﴾

او په سبا باندې كله چې روښانه شي

إِنَّهَا لَإِحْدَى ٱلْكُبَرِ ﴿٣٥﴾

بېشكه دغه (اور د سقر) یقینًا په لویو (بلاګانو) كې یو دى

نَذِيرًۭا لِّلْبَشَرِ ﴿٣٦﴾

چې انسان لره وېروونكى دى

لِمَن شَآءَ مِنكُمْ أَن يَتَقَدَّمَ أَوْ يَتَأَخَّرَ ﴿٣٧﴾

هغه چا لره چې په تاسو كې غواړي چې وړاندې شي، یا وروسته شي

كُلُّ نَفْسٍۭ بِمَا كَسَبَتْ رَهِينَةٌ ﴿٣٨﴾

هر نفس به د خپلو كړو په بدل كې ګاڼه (ګرو) وي

إِلَّآ أَصْحَٰبَ ٱلْيَمِينِ ﴿٣٩﴾

غیر له ښي اړخ والاو نه

فِى جَنَّٰتٍۢ يَتَسَآءَلُونَ ﴿٤٠﴾

(دوى به) په جنتونو كې وي، یو تر بله به پوښتنې كوي

عَنِ ٱلْمُجْرِمِينَ ﴿٤١﴾

د مجرمانو (كافرانو) په باره كې

مَا سَلَكَكُمْ فِى سَقَرَ ﴿٤٢﴾

(مومنان به مجرمانو ته وايي:) تاسو په دوزخ كې څه شي داخل كړي یئ؟

قَالُوا۟ لَمْ نَكُ مِنَ ٱلْمُصَلِّينَ ﴿٤٣﴾

دوى به ووايي: مونږ له لمونځ كوونكو ځنې نه وو

وَلَمْ نَكُ نُطْعِمُ ٱلْمِسْكِينَ ﴿٤٤﴾

او مسكین ته به مو طعام نه وركاوه

وَكُنَّا نَخُوضُ مَعَ ٱلْخَآئِضِينَ ﴿٤٥﴾

او له باطل ویونكو سره به مونږ په باطلو خبرو كې ننوتلو

وَكُنَّا نُكَذِّبُ بِيَوْمِ ٱلدِّينِ ﴿٤٦﴾

او مونږ به د بدلې ورځ دروغ ګڼله

حَتَّىٰٓ أَتَىٰنَا ٱلْيَقِينُ ﴿٤٧﴾

تر دې پورې چې مونږ ته یقین راغى

فَمَا تَنفَعُهُمْ شَفَٰعَةُ ٱلشَّٰفِعِينَ ﴿٤٨﴾

نو دوى ته د سفارش كوونكو سفارش فايده نه رسوي

فَمَا لَهُمْ عَنِ ٱلتَّذْكِرَةِ مُعْرِضِينَ ﴿٤٩﴾

نو په دوى څه شوي دي چې له نصیحت (قرآن) نه مخ ګرځوونكي دي

كَأَنَّهُمْ حُمُرٌۭ مُّسْتَنفِرَةٌۭ ﴿٥٠﴾

ګویا كې دوى تښتېدونكي ځنګلي خره دي

فَرَّتْ مِن قَسْوَرَةٍۭ ﴿٥١﴾

چې له زمري نه تښتي

بَلْ يُرِيدُ كُلُّ ٱمْرِئٍۢ مِّنْهُمْ أَن يُؤْتَىٰ صُحُفًۭا مُّنَشَّرَةًۭ ﴿٥٢﴾

بلكې په دوى كې هر یو سړى غواړي چې ده ته خورې كړى شوې صحیفې (پاڼې) وركړى شي

كَلَّا ۖ بَل لَّا يَخَافُونَ ٱلْءَاخِرَةَ ﴿٥٣﴾

هیڅكله داسې نه ده۔ بلكې دوى له اخرت نه نه وېرېږي

كَلَّآ إِنَّهُۥ تَذْكِرَةٌۭ ﴿٥٤﴾

هیڅكله داسې نه ده۔، بېشكه دا (قرآن) نصیحت دى

فَمَن شَآءَ ذَكَرَهُۥ ﴿٥٥﴾

نو څوك چې غواړي (نو) له ده نه دې پند واخلي

وَمَا يَذْكُرُونَ إِلَّآ أَن يَشَآءَ ٱللَّهُ ۚ هُوَ أَهْلُ ٱلتَّقْوَىٰ وَأَهْلُ ٱلْمَغْفِرَةِ ﴿٥٦﴾

او دوى نصیحت (او پند) نه اخلي مګر كه الله يې وغواړي. هم دى د وېرې لايق دى او د بخښنې اهل دى