Al-Buruj-sura

وَٱلسَّمَآءِ ذَاتِ ٱلْبُرُوجِ ﴿١﴾

Буржлар эгаси бўлган осмон билан қасам.

وَٱلْيَوْمِ ٱلْمَوْعُودِ ﴿٢﴾

Ва ваъда қилинган кун билан қасам.

وَشَاهِدٍۢ وَمَشْهُودٍۢ ﴿٣﴾

Гувоҳлик берувчи ва гувоҳлик берилган билан қасам.

قُتِلَ أَصْحَٰبُ ٱلْأُخْدُودِ ﴿٤﴾

«Ухдуд» эгаларига лаънат бўлсин.

ٱلنَّارِ ذَاتِ ٱلْوَقُودِ ﴿٥﴾

У (Ухдуд) ёқилғиси кўп, қаттиқ исиган оловдир.

إِذْ هُمْ عَلَيْهَا قُعُودٌۭ ﴿٦﴾

У(кофир)лар а(чуқур)лар атрофида ўтирибдилар.

وَهُمْ عَلَىٰ مَا يَفْعَلُونَ بِٱلْمُؤْمِنِينَ شُهُودٌۭ ﴿٧﴾

Ва улар мўминларга қилаётган нарсаларига ўзлари ҳозирдирлар.

وَمَا نَقَمُوا۟ مِنْهُمْ إِلَّآ أَن يُؤْمِنُوا۟ بِٱللَّهِ ٱلْعَزِيزِ ٱلْحَمِيدِ ﴿٨﴾

Ва (улар) мўминлардан Азиз, Ҳамид Аллоҳга бўлган иймондан бошқа «айб» топа олмадилар.

ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ ۚ وَٱللَّهُ عَلَىٰ كُلِّ شَىْءٍۢ شَهِيدٌ ﴿٩﴾

У шундай зотки, осмонлару ернинг мулки Унга хосдир ва Аллоҳ ҳар бир нарсага Ўзи гувоҳдир.

إِنَّ ٱلَّذِينَ فَتَنُوا۟ ٱلْمُؤْمِنِينَ وَٱلْمُؤْمِنَٰتِ ثُمَّ لَمْ يَتُوبُوا۟ فَلَهُمْ عَذَابُ جَهَنَّمَ وَلَهُمْ عَذَابُ ٱلْحَرِيقِ ﴿١٠﴾

Албатта, мўмин ва мўминаларни фитна қилиб, сўнгра тавба қилмаганларга, ана ўшаларга, жаҳаннам азоби ва куйдирувчи азоб бор.

إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ جَنَّٰتٌۭ تَجْرِى مِن تَحْتِهَا ٱلْأَنْهَٰرُ ۚ ذَٰلِكَ ٱلْفَوْزُ ٱلْكَبِيرُ ﴿١١﴾

Албатта, иймон келтирган ва солиҳ амал қилганларга, уларга, остидан анҳорлар оқиб турган жаннат бор. Бу эса ниҳоятда улкан ютуқдир.

إِنَّ بَطْشَ رَبِّكَ لَشَدِيدٌ ﴿١٢﴾

Албатта, Роббингнинг чангали жуда ҳам шиддатлидир.

إِنَّهُۥ هُوَ يُبْدِئُ وَيُعِيدُ ﴿١٣﴾

Албатта, У Ўзи бошлар ва қайтарар. (Йўқдан бор қилар ва ўлганни ҳаётга қайтарар)

وَهُوَ ٱلْغَفُورُ ٱلْوَدُودُ ﴿١٤﴾

Ва У мағфират қилувчи, муҳаббати зўр зотдир.

ذُو ٱلْعَرْشِ ٱلْمَجِيدُ ﴿١٥﴾

У Арш эгаси ҳамда қадри улуғ зотдир.

فَعَّالٌۭ لِّمَا يُرِيدُ ﴿١٦﴾

У нимани хоҳласа, қила олувчи зотдир.

هَلْ أَتَىٰكَ حَدِيثُ ٱلْجُنُودِ ﴿١٧﴾

Сенга аскарларнинг хабари келдими?

فِرْعَوْنَ وَثَمُودَ ﴿١٨﴾

Фиръавн ва Самуднинг.

بَلِ ٱلَّذِينَ كَفَرُوا۟ فِى تَكْذِيبٍۢ ﴿١٩﴾

Балки кофирлар ёлғонга чиқаришдадир?

وَٱللَّهُ مِن وَرَآئِهِم مُّحِيطٌۢ ﴿٢٠﴾

Ҳолбуки, Аллоҳ уларнинг ортидан иҳота қилиб турувчидир.

بَلْ هُوَ قُرْءَانٌۭ مَّجِيدٌۭ ﴿٢١﴾

Йўқ! У Қуръони мажиддур.

فِى لَوْحٍۢ مَّحْفُوظٍۭ ﴿٢٢﴾

У Лавҳул- Маҳфуздадир. (Лавҳул- Маҳфуз Аллоҳни ҳузурида бўлиб, унга ҳеч қандай ўзгариш кириши мумкин эмас.)