ആശങ്ക, ദുഃഖം, ഭയം, കോപം, കടം എന്നിവയ്ക്കുള്ള ദുആകൾ

((اللَّهُمَّ إِنِّي عَبْدُكَ، ابْنُ عَبْدِكَ، ابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُــــلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَداً مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الغَيْبِ عِنْدَكَ، أَنْ تَجْعَلَ القُرْآنَ رَبِيعَ قَلْبِي، وَنُورَ صَدْرِي، وَجَلاَءَ حُزْنِي، وَذَهَابَ هَمِّي)).

(അല്ലാഹുവേ, ഞാൻ നിന്റെ ദാസനാണ്; നിന്റെ ദാസന്റെ മകനാണ്; നിന്റെ ദാസിയുടെ മകനാണ്; എന്റെ നെറ്റിത്തടം നിന്റെ കൈയിലാണ് (അതായത് നിനക്കാണ് എന്റെമേൽ പൂർണ്ണാധികാരം). എന്റെമേലുള്ള നിന്റെ കൽപ്പന എന്നും നടപ്പിലാകുന്നു; എന്റെമേലുള്ള നിന്റെ വിധി നീതിപൂർണ്ണമാണ്. നിനക്കുള്ള ഓരോ നാമത്തെക്കൊണ്ടും ഞാൻ നിന്നോട് ചോദിക്കുന്നു; അവ കൊണ്ട് നീ സ്വയം പേര് നൽകിയതോ, നിന്റെ ഗ്രന്ഥത്തിൽ അവതരിപ്പിച്ചതോ, നിന്റെ സൃഷ്ടികളിൽ ആരെയെങ്കിലും പഠിപ്പിച്ചതോ, നിന്റെ പക്കലുള്ള അദൃശ്യജ്ഞാനത്തിൽ നീ സംരക്ഷിച്ചുവെച്ചതോ ആയ ഓരോ നാമത്തെക്കൊണ്ടും: നീ ഖുർആനിനെ എന്റെ ഹൃദയത്തിന്റെ ജീവനും എന്റെ നെഞ്ചിന്റെ പ്രകാശവും, എന്റെ ദുഃഖത്തിൽനിന്നുള്ള വിടുതലും എന്റെ ആധിയിൽനിന്നുള്ള മോചനവുമാക്കേണമേ.)

((اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ، وَضَلَعِ الدَّيْنِ وَغَلَبَةِ الرِّجَالِ)).

(അല്ലാഹുവേ, ആധിയിൽനിന്നും ദുഃഖത്തിൽനിന്നും, ദൗർബല്യത്തിൽനിന്നും മടിയിൽനിന്നും, പിശുക്കിൽനിന്നും ഭീരുത്വത്തിൽനിന്നും, കടഭാരത്തിൽനിന്നും മനുഷ്യരുടെ മേൽക്കോയ്മയിൽനിന്നും ഞാൻ നിന്നോട് ശരണം തേടുന്നു.)

((لاَ إِلَهَ إِلاَّ اللَّهُ الْعَظِيمُ الْحَلِيمُ، لاَ إِلَهَ إِلاَّ اللَّهُ رَبُّ الْعَرْشِ الْعَظِيمِ، لاَ إِلَهَ إِلاَّ اللَّهُ رَبُّ السَّمَوَاتِ وَرَبُّ الْأَرْضِ وَرَبُّ الْعَرْشِ الْكَرِيمِ)).

(സഹനശീലനായ അല്ലാഹുവല്ലാതെ ആരാധനയ്ക്കർഹനായി മറ്റാരുമില്ല. മഹത്തായ അർശിന്റെ നാഥനായ അല്ലാഹുവല്ലാതെ ആരാധനയ്ക്കർഹനായി മറ്റാരുമില്ല. ആകാശങ്ങളുടെ നാഥനും ഭൂമിയുടെ നാഥനും മാന്യമായ അർശിന്റെ നാഥനുമായ അല്ലാഹുവല്ലാതെ ആരാധനയ്ക്കർഹനായി മറ്റാരുമില്ല.)

((اللَّهُمَّ رَحْمَتَكَ أَرْجُو، فَلاَ تَكِلْنِي إِلَى نَفْسِي طَرْفَةَ عَيْنٍ، وَأَصْلِحْ لِي شَأْنِي كُلَّهُ، لاَ إِلَهَ إِلاَّ أَنْتَ)).

(അല്ലാഹുവേ, നിന്റെ കാരുണ്യമാണ് ഞാൻ പ്രതീക്ഷിക്കുന്നത്; അതിനാൽ ഒരു കണ്ണിമവെട്ടുന്ന നേരത്തേക്കുപോലും എന്നെ എന്റെ കാര്യങ്ങൾ ഏൽപ്പിച്ചുവിടരുതേ; എന്റെ എല്ലാ കാര്യങ്ങളും നേരെയാക്കിത്തരേണമേ.നീയല്ലാതെ ആരാധനയ്ക്കർഹനായി മറ്റാരുമില്ല.)

((لاَ إِلَهَ إِلاَّ أَنْتَ سُبْحَانَكَ إِنِّي كُنْتُ مِنَ الظّالِمِينَ)).

(നീയല്ലാതെ ആരാധനയ്ക്കർഹനായി മറ്റാരുമില്ല. നീ എത്ര പരിശുദ്ധൻ; നിശ്ചയമായും ഞാൻ അക്രമികളിൽ പെട്ടവനായിരുന്നു.)

((اللَّهُ اللَّهُ رَبِّي لاَ أُشْرِكُ بِهِ شَيْئاً)).

(അല്ലാഹു, അല്ലാഹുവാണ് എന്റെ രക്ഷിതാവ്; അവനോട് ഞാൻ യാതൊന്നിനെയും പങ്കുചേർക്കുന്നില്ല.)

((لاَ إِلَهَ إِلاَّ اللَّهُ!)).

(അല്ലാഹുവല്ലാതെ ആരാധനയ്ക്കർഹനായി മറ്റാരുമില്ല.)

((أَعُوذُ بِاللَّهِ مِنَ الشَّيْطَانِ الرَّجِيمِ)).

(ശപിക്കപ്പെട്ട പിശാചിൽനിന്ന് ഞാൻ അല്ലാഹുവിനോട് ശരണം തേടുന്നു.)

((اللَّهُمَّ اكْفِنِي بِحَلاَلِكَ عَنْ حَرَامِكَ، وَأَغْنِنِي بِفَضْلِكِ عَمَّنْ سِوَاكَ)).

(അല്ലാഹുവേ, നിഷിദ്ധമായതിനുപകരം നിനക്ക് അനുവദനീയമായതുകൊണ്ട് എനിക്ക് മതിയാക്കിത്തരേണമേ; നിന്റെ അനുഗ്രഹംകൊണ്ട് മറ്റുള്ളവരെ ആശ്രയിക്കേണ്ട ആവശ്യത്തിൽനിന്ന് എന്നെ സ്വതന്ത്രനാക്കേണമേ.)

((اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ، وَضَلَعِ الدَّيْنِ وَغَلَبَةِ الرِّجَالِ)).

(അല്ലാഹുവേ, ആധിയിൽനിന്നും ദുഃഖത്തിൽനിന്നും, ദൗർബല്യത്തിൽനിന്നും മടിയിൽനിന്നും, പിശുക്കിൽനിന്നും ഭീരുത്വത്തിൽനിന്നും, കടഭാരത്തിൽനിന്നും മനുഷ്യരുടെ മേൽക്കോയ്മയിൽനിന്നും ഞാൻ നിന്നോട് ശരണം തേടുന്നു.)