Addu'o'in Tafiya: Hawa, Hanya da Komawa Gida

((بِسْمِ اللَّهِ، وَالْحَمْدُ للَّهِ ﴿سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ، وَإِنَّا إِلَى رَبِّنَا لَمُنقَلِبُونَ﴾، ((الْحَمْدُ لِلَّهِ، الْحَمْدُ لِلَّهِ، الْحَمْدُ لِلَّهِ، اللَّهُ أَكْبَرُ، اللَّهُ أَكْبَرُ، اللَّهُ أَكْبَرُ، سُبْحَانَكَ اللَّهُمَّ إِنِّي ظَلَمْتُ نَفْسِي فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إِلاَّ أَنْتَ)).

(Da sunan Allah kuma godiya ta tabbata ga Allah. Tsarki ya tabbata a gare Shi, Wanda Ya hore mana wannan (abin hawa) kuma da ba mu kasance masu iya yin hakan da kanmu ba, kuma zuwa ga Ubangijinmu makomarmu take. Godiya ta tabbata ga Allah, Godiya ta tabbata ga Allah, Godiya ta tabbata ga Allah, Allah ne Mafi girma, Allah ne Mafi girma, Allah ne Mafi girma. Tsarki ya tabbata a gare Ka, ya Allah, lallai na zalunci kaina, don haka Ka gafarta mini, domin lallai babu mai gafarta zunubai sai Kai.)

اللَّهُ أَكْبَرُ، اللَّهُ أَكْبَرُ، اللَّهُ أَكْبَرُ، ﴿سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنقَلِبُونَ﴾ ((اللَّهُمَّ إِنّا نَسْأَلُكَ فِي سَفَرِنَا هَذَا البِرَّ وَالتَّقْوَى، وَمِنَ الْعَمَلِ مَا تَرْضَى، اللَّهُمَّ هَوِّنْ عَلَيْنَا سَفَرَنَا هَذَا وَاطْوِ عَنَّا بُعْدَهُ، اللَّهُمَّ أَنْتَ الصَّاحِبُ فِي السَّفَرِ، وَالْخَليفَةُ فِي الْأَهْلِ، اللَّهُمَّ إِنِّي أَعُوذُ بِكَ مِنْ وَعْثَاءِ السَّفَرِ، وَكَآبَةِ الْمَنْظَرِ، وَسُوءِ الْمُنْقَلَبِ فِي الْمَالِ وَالْأَهْلِ))، وإذا رَجَعَ قَالَهُنَّ وَزَادَ فِيهِنَّ: ((آيِبُونَ، تائِبُونَ، عَابِدُونَ، لِرَبِّنَا حَامِدُونَ)).

(Allah ne Mafi girma, Allah ne Mafi girma, Allah ne Mafi girma, Tsarki ya tabbata a gare Shi, Wanda Ya hore mana wannan (abin hawa), kuma da ba mu kasance masu iya yin hakan da kanmu ba, kuma zuwa ga Ubangijinmu makomarmu take. Ya Allah, muna roƙonka birr da taƙawa a cikin wannan tafiyarmu, kuma muna roƙonka ayyukan da suke faranta maka rai. Ya Allah, Ka sauƙaƙa mana tafiyarmu kuma Ka ƙanƙantar mana nisanta. Ya Allah, Kai ne Abokin tafiya kuma Mai maye gurbi a kan iyali, Ya Allah, ina neman tsarinka daga wahalar tafiya, daga sauyin zukata da kasancewa cikin mummunan hali, kuma ina neman tsarinka daga mummunan ƙarshe a cikin dukiya da iyali.)(birr da taƙawa: kalmomi biyu ne masu cikakken ma’ana waɗanda idan aka ambaci kowannensu shi kaɗai, suna nufin dukkan kyawawan ayyuka da biyayya, wato aikata abin da aka umarta da guje wa abin da aka hana. Idan aka haɗa su wuri guda, birr yana nufin aikata abubuwan da aka umarta, taƙawa kuma tana nufin guje wa abubuwan da aka hana.)(Mai maye gurbi: wanda yake maye gurbin wani saboda rashinsa ko mutuwarsa. Wannan ita ce ma’anar kalmar khalifa daidai; don haka ba daidai ba ne a yi imani cewa Adamu shi ne khalifan Allah (wakili, kamar yadda ake fassara shi akai-akai) a bayan ƙasa, domin Allah ba Ya taɓa rashi, kuma ba zai taɓa mutuwa ba. Wannan addu’a tana tabbatar da fahimtar wannan kalma daidai kuma tana nuna cewa Allah Yana maye gurbinmu kuma Yana kiyaye waɗanda muka bari idan muka mutu ko muka yi rashi.)(idan an dawo ana karanta wannan addu’a ɗaya da ƙari kamar haka: (Muna komawa, muna tuba, muna bauta, muna yabon Ubangijinmu.))

((يُكَبِّرُ عَلَى كُلِّ شَرَفٍ ثَلاَثَ تَكْبِيرَاتٍ ثُمَّ يَقُولُ: لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، آيِبُونَ، تَائِبُونَ، عَابِدُونَ، لِرَبِّنا حَامِدُونَ، صَدَقَ اللَّهُ وَعْدَهُ، وَنَصَرَ عَبْدَهُ، وَهَزَمَ الْأَحْزابَ وَحْدَهُ)).

(Ibn Umar ya ruwaito cewa Manzon Allah idan ya dawo daga yaƙi ko aikin Hajji, yakan ce a kowane wuri mai tudu: (Allah ne Mafi girma, Allah ne Mafi girma, Allah ne Mafi girma.) sannan ya ce: (Babu abin bauta da gaskiya sai Allah, shi kaɗai, ba shi da abokin tarayya. Mulki nasa ne kuma godiya tasa ce, kuma Shi Mai ikon yi ne a kan komai. Muna komawa, muna tuba, muna bauta, muna yabon Ubangijinmu. Allah ya cika wa’adinsa, ya taimaki bawansa, kuma shi kaɗai ya ci nasara a kan ƙungiyoyin (maƙiya).))