Addu'o'in Kafin da Bayan Cin Abinci da Buɗe Baki

((إِذَا أَكَلَ أَحَدُكُمْ طَعَاماً فَلْيَقُلْ بِسْمِ اللَّهِ، فَإِنْ نَسِيَ فِي أَوَّلِهِ فَلْيَقُلْ بسمِ اللَّهِ فِي أَوَّلِهِ وَآخِرِهِ)).

(Idan za ka ci abinci, sai ka ce:(Bismillah.)kuma idan ka manta ba ka faɗa ba kafin ka fara, to sai ka ce (idan ka tuna):Da sunan Allah a farkonsa da ƙarshensa.)

((مَنْ أَطْعَمَهُ اللَّهُ الطَّعَامَ فَلْيَقُلْ: اللَّهُمَّ بَارِكْ لَنَا فِيهِ وَأَطْعِمْنَا خَيْراً مِنْهُ، وَمَنْ سَقَاهُ اللَّهُ لَبَناً فَلْيَقُلْ اللَّهُمَّ بَارِكْ لَنَا فِيهِ وَزِدْنَا مِنْهُ)).

(Wanda Allah Ya ciyar, sai ya ce:(Ya Allah, Ka sanya mana albarka a cikinsa kuma Ka ciyar da mu abin da ya fi shi.) kuma wanda Allah Ya shayar da madara, sai ya ce:(Ya Allah, Ka sanya mana albarka a cikinsa kuma Ka ƙara mana shi.))

((الْحَمْدُ لِلَّهِ الَّذِي أَطْعَمَنِي هَذَا، وَرَزَقَنِيهِ، مِنْ غَيْرِ حَوْلٍ مِنِّي وَلاَ قُوَّةٍ)).

(Godiya ta tabbata ga Allah wanda Ya ciyar da ni wannan, kuma Ya azurta ni da shi ba tare da wata dabara ko ƙarfi daga gare ni ba.)

((الْحَمْدُ لِلَّهِ حَمْداً كَثِيراً طَيِّباً مُبَارَكاً فِيهِ، غَيْرَ [مَكْفِيٍّ وَلاَ ] مُوَدَّعٍ، وَلاَ مُسْتَغْنَىً عَنْهُ رَبَّنَا)).

(Godiya ta tabbata ga Allah, godiya mai yawa, mai kyau, mai albarka, wadda ba ta ƙarewa, wadda ba za mu yi bankwana da ita ba, kuma wadda ba za mu rabu da ita ba, Shi ne Ubangijinmu.)(Akwai wasu ra’ayoyi game da fahimtar wannan addu’a, daga cikinsu: Godiya ta tabbata ga Allah, godiya mai yawa, mai kyau, mai albarka. Shi ne Wanda Yake wadatarwa, Yake ciyarwa, ba a ciyar da Shi. Wanda ake begensa tare da abin da yake wurinsa, kuma Wanda ake bukata, Shi ne Ubangijinmu.)

((ذَهَبَ الظَّمَأُ وَابْتَلَّتِ العُرُوقُ، وَثَبَتَ الْأَجْرُ إِنْ شَاءَ اللَّهُ)).

(Ƙishirwa ta tafi, kuma jijiyoyi sun jiƙu, kuma lada ya tabbata, in Allah ya so.)

((اللَّهُمَّ إِنِّي أَسْأَلُكَ بِرَحْمَتِكَ الَّتِي وَسِعَتْ كُلَّ شَيْءٍ أَنْ تَغْفِرَ لِي)).

(Ya Allah, ina roƙonka da rahamarka wadda ta game dukkan kome, Ka gafarta mini.)