ഭക്ഷണത്തിനുമുമ്പും ശേഷവും നോമ്പുതുറക്കുമ്പോഴുമുള്ള ദുആകൾ

((إِذَا أَكَلَ أَحَدُكُمْ طَعَاماً فَلْيَقُلْ بِسْمِ اللَّهِ، فَإِنْ نَسِيَ فِي أَوَّلِهِ فَلْيَقُلْ بسمِ اللَّهِ فِي أَوَّلِهِ وَآخِرِهِ)).

(നിങ്ങൾ ഭക്ഷണം കഴിക്കാനൊരുങ്ങുമ്പോൾ ഇപ്രകാരം പറയുക:(ബിസ്മില്ലാഹ്.)തുടങ്ങുംമുമ്പ് പറയാൻ മറന്നുപോയെങ്കിൽ ഓർമ്മ വരുമ്പോൾ ഇപ്രകാരം പറയുക:ഇതിന്റെ ആദ്യത്തിലും അവസാനത്തിലും അല്ലാഹുവിന്റെ നാമത്തിൽ.)

((مَنْ أَطْعَمَهُ اللَّهُ الطَّعَامَ فَلْيَقُلْ: اللَّهُمَّ بَارِكْ لَنَا فِيهِ وَأَطْعِمْنَا خَيْراً مِنْهُ، وَمَنْ سَقَاهُ اللَّهُ لَبَناً فَلْيَقُلْ اللَّهُمَّ بَارِكْ لَنَا فِيهِ وَزِدْنَا مِنْهُ)).

(അല്ലാഹു ഭക്ഷിപ്പിച്ചവൻ ഇപ്രകാരം പറയണം:(അല്ലാഹുവേ, ഇതിൽ ഞങ്ങൾക്ക് ബറകത്ത് നൽകേണമേ; ഇതിനെക്കാൾ നല്ലത് ഞങ്ങൾക്ക് ഭക്ഷിക്കാൻ തരേണമേ.) അല്ലാഹു പാൽ കുടിപ്പിച്ചവൻ ഇപ്രകാരം പറയണം:(അല്ലാഹുവേ, ഇതിൽ ഞങ്ങൾക്ക് ബറകത്ത് നൽകേണമേ; ഇതിൽ കൂടുതൽ ഞങ്ങൾക്ക് നൽകേണമേ.))

((الْحَمْدُ لِلَّهِ الَّذِي أَطْعَمَنِي هَذَا، وَرَزَقَنِيهِ، مِنْ غَيْرِ حَوْلٍ مِنِّي وَلاَ قُوَّةٍ)).

(എന്റെ ഭാഗത്തുനിന്നുള്ള യാതൊരു ശക്തിയോ കഴിവോ ഇല്ലാതെ ഇത് എനിക്ക് ഭക്ഷിക്കാൻ തരികയും നൽകുകയും ചെയ്ത അല്ലാഹുവിന് സർവ്വസ്തുതിയും.)

((الْحَمْدُ لِلَّهِ حَمْداً كَثِيراً طَيِّباً مُبَارَكاً فِيهِ، غَيْرَ [مَكْفِيٍّ وَلاَ ] مُوَدَّعٍ، وَلاَ مُسْتَغْنَىً عَنْهُ رَبَّنَا)).

(അല്ലാഹുവിന് ധാരാളമായ, നല്ലതും അനുഗൃഹീതവുമായ സ്തുതി; അവസാനിക്കാത്തതും, ഞങ്ങൾ ഒരിക്കലും കൈവിടാത്തതും, ഒഴിവാക്കാനാവാത്തതുമായ സ്തുതി; അവനാണ് ഞങ്ങളുടെ രക്ഷിതാവ്.)(ഈ പ്രാർഥനയുടെ ആശയത്തെക്കുറിച്ച് മറ്റ് അഭിപ്രായങ്ങളുമുണ്ട്; അവയിലൊന്ന്: അല്ലാഹുവിന് ധാരാളമായ, നല്ലതും അനുഗൃഹീതവുമായ സ്തുതി. അവൻ ഭക്ഷണം നൽകുകയും സ്വയം ഭക്ഷിക്കപ്പെടാതിരിക്കുകയും ചെയ്യുന്ന, സ്വയം പര്യാപ്തനായവനാണ്. അവനോടൊപ്പമുള്ളതിനെ ആശിക്കപ്പെടുന്നവനും എല്ലാവരും ആവശ്യപ്പെടുന്നവനും അവൻ തന്നെ; അവനാണ് ഞങ്ങളുടെ രക്ഷിതാവ്.)

((ذَهَبَ الظَّمَأُ وَابْتَلَّتِ العُرُوقُ، وَثَبَتَ الْأَجْرُ إِنْ شَاءَ اللَّهُ)).

(ദാഹം ശമിച്ചു, ഞരമ്പുകൾ നനഞ്ഞു, അല്ലാഹു ഉദ്ദേശിച്ചാൽ പ്രതിഫലം ഉറപ്പായി.)

((اللَّهُمَّ إِنِّي أَسْأَلُكَ بِرَحْمَتِكَ الَّتِي وَسِعَتْ كُلَّ شَيْءٍ أَنْ تَغْفِرَ لِي)).

(അല്ലാഹുവേ, സർവ്വതിനെയും ഉൾക്കൊള്ളുന്ന നിന്റെ കാരുണ്യത്തെക്കൊണ്ട് എനിക്ക് പൊറുത്തുതരണമെന്ന് ഞാൻ നിന്നോട് ചോദിക്കുന്നു.)