Dua za Kabla na Baada ya Kula na za Kufungua Saumu

((إِذَا أَكَلَ أَحَدُكُمْ طَعَاماً فَلْيَقُلْ بِسْمِ اللَّهِ، فَإِنْ نَسِيَ فِي أَوَّلِهِ فَلْيَقُلْ بسمِ اللَّهِ فِي أَوَّلِهِ وَآخِرِهِ)).

(Unapotaka kula, sema:(Bismillah.) na ukisahau kusema kabla ya kuanza, basi sema (utakapokumbuka): Kwa jina la Allah mwanzoni mwake na mwishoni mwake.)

((مَنْ أَطْعَمَهُ اللَّهُ الطَّعَامَ فَلْيَقُلْ: اللَّهُمَّ بَارِكْ لَنَا فِيهِ وَأَطْعِمْنَا خَيْراً مِنْهُ، وَمَنْ سَقَاهُ اللَّهُ لَبَناً فَلْيَقُلْ اللَّهُمَّ بَارِكْ لَنَا فِيهِ وَزِدْنَا مِنْهُ)).

(Yeyote ambaye Allah amemlisha, aseme:(Ewe Allah, tubarikie katika chakula hiki na utulishe bora kuliko hiki.) na yeyote ambaye Allah amemnywesha maziwa, aseme:(Ewe Allah, tubarikie katika maziwa haya na utuzidishie.))

((الْحَمْدُ لِلَّهِ الَّذِي أَطْعَمَنِي هَذَا، وَرَزَقَنِيهِ، مِنْ غَيْرِ حَوْلٍ مِنِّي وَلاَ قُوَّةٍ)).

(Sifa zote njema ni za Allah ambaye amenilisha chakula hiki na kuniruzuku bila uwezo wala nguvu kutoka kwangu.)

((الْحَمْدُ لِلَّهِ حَمْداً كَثِيراً طَيِّباً مُبَارَكاً فِيهِ، غَيْرَ [مَكْفِيٍّ وَلاَ ] مُوَدَّعٍ، وَلاَ مُسْتَغْنَىً عَنْهُ رَبَّنَا)).

(Sifa njema ziwe kwa Allah, sifa nyingi, nzuri, zenye baraka, zisizokoma, ambazo hatutaziaga wala hatuwezi kuziacha, Yeye ndiye Mola wetu.)(Kuna maoni mengine kuhusu maana ya dua hii, miongoni mwake: Sifa njema ziwe kwa Allah, sifa nyingi, nzuri, zenye baraka. Yeye ndiye Anayetosheleza, Analisha na Halishwi, Anayetamaniwa pamoja na yale yaliyo kwake, na Anayehitajiwa, Yeye ndiye Mola wetu.)

((ذَهَبَ الظَّمَأُ وَابْتَلَّتِ العُرُوقُ، وَثَبَتَ الْأَجْرُ إِنْ شَاءَ اللَّهُ)).

(Kiu imeondoka na mishipa imelowa, na malipo yamethibitika, Allah akipenda.)

((اللَّهُمَّ إِنِّي أَسْأَلُكَ بِرَحْمَتِكَ الَّتِي وَسِعَتْ كُلَّ شَيْءٍ أَنْ تَغْفِرَ لِي)).

(Ewe Allah, nakuomba kwa rehema Yako inayokumbatia kila kitu, unisamehe.)