Addu'o'in buɗe sallah
((اللَّهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ، اللَّهُمَّ اغْسِلْني مِنْ خَطَايَايَ، بِالثَّلْجِ وَالْماءِ وَالْبَرَدِ)).
(Ya Allah, Ka nisantar da ni daga zunubaina kamar yadda Ka nisantar da Gabas daga Yamma, ya Allah, Ka tsarkake ni daga zunubaina kamar yadda ake tsarkake farar riga daga datti, ya Allah, Ka wanke ni daga zunubaina da dusar ƙanƙara, da ruwa, da ƙanƙara.)
((سُبْحانَكَ اللَّهُمَّ وَبِحَمْدِكَ، وَتَبارَكَ اسْمُكَ، وَتَعَالَى جَدُّكَ، وَلاَ إِلَهَ غَيْرُكَ)).
(Tsarki ya tabbata a gare Ka, ya Allah, kuma da godiyarka. Sunanka ya yi albarka, kuma matsayinka ya ɗaukaka, kuma babu abin bauta da gaskiya sai Kai.)
((وَجَّهْتُ وَجْهِيَ لِلَّذِي فَطَرَ السَّمَوَاتِ وَالأَرْضَ حَنِيفَاً وَمَا أَنَا مِنَ الْمُشْرِكِينَ، إِنَّ صَلاَتِي، وَنُسُكِي، وَمَحْيَايَ، وَمَمَاتِي لِلَّهِ رَبِّ الْعَالَمِينَ، لاَ شَرِيكَ لَهُ وَبِذَلِكَ أُمِرْتُ وَأَنَا مِنَ الْمُسْلِمِينَ. اللَّهُمَّ أَنْتَ المَلِكُ لاَ إِلَهَ إِلاَّ أَنْتَ، أَنْتَ رَبِّي وَأَنَا عَبْدُكَ، ظَلَمْتُ نَفْسِي وَاعْتَرَفْتُ بِذَنْبِي فَاغْفِرْ لِي ذُنُوبي جَمِيعَاً إِنَّهُ لاَ يَغْفِرُ الذُّنوبَ إِلاَّ أَنْتَ. وَاهْدِنِي لِأَحْسَنِ الأَخْلاقِ لاَ يَهْدِي لِأَحْسَنِها إِلاَّ أَنْتَ، وَاصْرِفْ عَنِّي سَيِّئَهَا، لاَ يَصْرِفُ عَنِّي سَيِّئَهَا إِلاَّ أَنْتَ، لَبَّيْكَ وَسَعْدَيْكَ، وَالخَيْرُ كُلُّهُ بِيَـــــــدَيْكَ، وَالشَّـــــرُّ لَيْسَ إِلَيْــــــكَ، أَنَا بِكَ وَإِلَيْكَ، تَبارَكْتَ وَتَعَالَيْتَ، أَسْتَغْفِرُكَ وَأَتوبُ إِلَيْكَ)).
(Na juyar da fuskata da tsantsar imani zuwa ga Wanda Ya ƙirƙiri sammai da ƙasa, kuma ba ni cikin masu shirka (haɗa wani da Allah). Lallai sallata, da yankan hadayata, da rayuwata da mutuwata na Allah ne, Ubangijin talikai, ba shi da abokin tarayya, da wannan aka umarce ni kuma ni ina cikin Musulmi. Ya Allah, Kai ne Sarki, babu abin bauta da gaskiya sai Kai. Kai ne Ubangijina kuma ni bawanka ne, na zalunci kaina kuma na amince da zunubina, don haka Ka gafarta mini dukkan zunubaina domin babu mai gafarta zunubai sai Kai. Ka shiryar da ni zuwa mafi kyawun halaye domin babu mai shiryarwa zuwa gare su sai Kai, kuma Ka kawar da ni daga mafi munin halaye domin babu mai kawar da su daga gare ni sai Kai. Ga ni, ina amsa kiranka, cikin farin cikin yi maka hidima. Dukkan alheri yana hannunka kuma sharri ba ya fitowa daga gare Ka. Ina wanzuwa da nufinka kuma zan koma gare Ka. Ka yi albarka kuma Ka ɗaukaka, ina neman gafararka kuma ina tuba zuwa gare Ka.)(Allah ba Ya halicci sharri tsantsa wanda ba shi da wani alheri ko amfani ko hikima ko rahama ko kaɗan, kuma ba Ya azabtar da kowa ba tare da ya yi zunubi ba. Wani abu na iya zama alheri ta fuskar halittarsa idan an duba shi ta wata mahangar, kuma a lokaci guda ya zama sharri idan an duba shi ta wata hanya. Allah Ya halicci Shaiɗan kuma da shi Yake jarraba bayinsa, don haka akwai waɗanda suke ƙin Shaiɗan, suna yaƙarsa da hanyarsa kuma suna gaba da shi da mabiyansa, kuma akwai waɗansu da suke abokantaka da Shaiɗan kuma suna bin sawunsa. Don haka sharri yana wanzuwa a cikin halittunsa da nufinsa da hikimarsa, ba a cikin ayyukansa ko aikin halitta ba.)
((اللَّهُمَّ رَبَّ جِبْرَائِيلَ، وَمِيْكَائِيلَ، وَإِسْرَافِيلَ، فَاطِرَ السَّمَوَاتِ وَالأَرْضِ، عَالِمَ الغَيْبِ وَالشَّهَادَةِ أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ. اهْدِنِي لِمَا اخْتُلِفَ فِيهِ مِنَ الْحَقِّ بِإِذْنِكَ إِنَّكَ تَهْدِي مَنْ تَشَاءُ إِلَى صِرَاطٍ مُسْتَقيمٍ)).
(Ya Allah, Ubangijin Jibril, Mika’il da Israfil (manyan mala’iku), Mahaliccin sammai da ƙasa, Masanin gaibu da abin da ake gani. Kai ne alƙali tsakanin bayinka a cikin abin da suka yi sabani a kai. Ka shiryar da ni zuwa ga gaskiya da izininka, a cikin abin da suka yi sabani a kai, domin lallai Kai Kana shiryar da wanda Ka so zuwa ga hanya madaidaiciya.)
((اللَّهُ أَكْبَرُ كَبِيرَاً، اللَّهُ أَكْبَرُ كَبِيراً، اللَّهُ أَكْبَرُ كَبِيراً، وَالْحَمْدُ لِلَّهِ كَثيراً، وَالْحَمْدُ لِلَّهِ كَثيراً، وَالْحَمْدُ لِلَّهِ كَثيراً، وَسُبْحَانَ اللَّهِ بُكْرَةً وَأَصِيلاً)) ثَلاثاً ((أَعُوذُ بِاللَّهِ مِنَ الشَّيْطَانِ: مِنْ نَفْخِهِ، وَنَفْثِهِ، وَهَمْزِهِ)).
(Allah Mafi girma ne, Allah Mafi girma ne, Allah Mafi girma ne, godiya mai yawa ta tabbata ga Allah, godiya mai yawa ta tabbata ga Allah, godiya mai yawa ta tabbata ga Allah, kuma ina tsarkake Allah da safiya da yamma.)(Ina neman tsarin Allah daga Shaiɗan, daga girmankansa, waƙarsa da hauka.)
((اللَّهُمَّ لَكَ الْحَمْدُ، أَنْتَ نُورُ السَّمَوَاتِ وَالأَرْضِ وَمَنْ فِيهِنَّ، وَلَكَ الْحَمْدُ أَنْتَ قَيِّمُ السَّمَوَاتِ وَالأَرْضِ وَمَنْ فِيهِنَّ، [وَلَكَ الْحَمْدُ أَنْتَ رَبُّ السَّمَواتِ وَالأَرْضِ وَمَنْ فِيهِنَّ] [وَلَكَ الْحَمْدُ لَكَ مُلْكُ السَّمَوَاتِ وَالأَرْضِ وَمَنْ فِيهِنَّ] [وَلَكَ الْحَمْدُ أَنْتَ مَلِكُ السَّمَوَاتِ وَالأَرْضِ] [وَلَكَ الْحَمْدُ] [أَنْتَ الْحَقُّ، وَوَعْدُكَ الْحَقُّ، وَقَوْلُكَ الْحَقُّ، وَلِقاؤُكَ الْحَقُّ، وَالْجَنَّةُ حَقٌّ، وَالنَّارُ حَقٌّ، وَالنَّبِيُّونَ حَقٌّ، وَمحَمَّدٌ صلى الله عليه وسلم حَقٌّ، وَالسّاعَةُ حَقٌّ] [اللَّهُمَّ لَكَ أَسْلَمتُ، وَعَلَيْكَ تَوَكَّلْتُ، وَبِكَ آمَنْتُ، وَإِلَيْكَ أَنَبْتُ، وَبِكَ خاصَمْتُ، وَإِلَيْكَ حاكَمْتُ. فَاغْفِرْ لِي مَا قَدَّمْتُ، وَمَا أَخَّرْتُ، وَمَا أَسْرَرْتُ، وَمَا أَعْلَنْتُ] [وَمَا أَنْتَ أَعْلَمُ بِهِ مِنِّي] [أَنْتَ المُقَدِّمُ، وَأَنْتَ المُؤَخِّرُ لاَ إِلَهَ إِلاَّ أَنْتَ] [أَنْتَ إِلَهِي لاَ إِلَهَ إِلاَّ أَنْتَ] [وَلاَ حَوْلَ وَلاَ قُوَّةَ إِلاَّ بِاللَّهِ])).
(Ya Allah, gare Ka ne dukkan godiya take, Kai ne Hasken sammai da ƙasa da abin da yake cikinsu. Gare Ka ne dukkan godiya take, Kai ne Mai tsayar da sammai da ƙasa da abin da yake cikinsu. Gare Ka ne dukkan godiya take. Kai ne Ubangijin sammai da ƙasa da abin da yake cikinsu. Gare Ka ne dukkan godiya take da mulkin sammai da ƙasa da abin da yake cikinsu. Gare Ka ne dukkan godiya take, Kai ne Sarkin sammai da ƙasa kuma gare Ka ne dukkan godiya take. Kai ne Gaskiya, wa’adinka gaskiya ne, maganarka gaskiya ce, kuma ranar da za mu gamu da Kai gaskiya ce, Gidan Aljanna gaskiya ne kuma Wuta gaskiya ce, kuma Annabawa gaskiya ne, Muhammad gaskiya ne kuma Sa’a (Ƙiyama) gaskiya ce. Ya Allah, gare Ka na miƙa wuya, kuma gare Ka na dogara, kuma da Kai na yi imani, kuma zuwa gare Ka na tuba, kuma saboda Kai na yi husuma, kuma zuwa gare Ka na kai hukunci. Don haka Ka gafarta mini abin da ya wuce na zunubaina da abin da zai zo, da abin da na ɓoye da abin da na bayyana. Kai ne Al-Muqaddim kuma Al-Mu’akhkhir. Babu abin bauta da gaskiya sai Kai, Kai ne Abin bautata, babu abin bauta da gaskiya sai Kai.)(Ma’anar Al-Muqaddim da Al-Mu’akhkhir: Allah Yana gabatarwa Yana fifita wanda Ya so daga cikin halittarsa kamar yadda Yake jinkirtawa Yana baya da wanda Ya so bisa hikimarsa. Misali: fifita mutum a kan sauran halitta, fifita Annabawa a kan sauran mutane, fifita Muhammad a kan dukkan Annabawa da Manzanni…da sauransu.)
Addu'o'i a lokacin ruku'u
((سُبْحانَ رَبِّيَ الْعَظِيمِ)). ثلاث مرَّاتٍ.
(Tsarki ya tabbata ga Ubangijina, Mai girma.’(sau uku))
((سُبْحَانَكَ اللَّهُمَّ رَبَّنَا وَبِحَمْدِكَ، اللَّهُمَّ اغْفِرْ لِي)).
(Tsarki ya tabbata a gare Ka, ya Allah, Ubangijinmu, kuma da godiyarka. Ya Allah, Ka gafarta mini.)
((سُبُّوُحٌ، قُدُّوسٌ، رَبُّ المَلاَئِكَةِ وَالرُّوحِ)).
(Mai tsarki kuma Mai tsarkaka (Shi ne), Ubangijin mala’iku da Rūh (wato Jibril).)
((اللَّهُمَّ لَكَ رَكَعْتُ، وَبِكَ آمَنْتُ، وَلَكَ أَسْلَمْتُ، خَشَعَ لَكَ سَمْعِي، وَبَصَرِي، وَمُخِّي، وَعَــــظْمِي، وَعَصَبِي، [وَمَا استَقَلَّتْ بِهِ قَدَمِي])).
(Ya Allah, gare Ka na yi ruku’u, kuma da Kai na yi imani, kuma gare Ka na miƙa wuya. Jinina, ganina, hankalina, ƙasusuwana, jijiyoyina da abin da ƙafafuna suke ɗauka sun ƙasƙantu gare Ka.)
((سُبْحَانَ ذِي الْجَبَرُوتِ، وَالْمَلَكُوتِ، وَالْكِبْرِيَاءِ، وَالْعَظَمَةِ)).
(Tsarki ya tabbata a gare Shi, Ma’abucin cikakken iko, mulki, ɗaukaka da girma.)
Addu'o'i a lokacin sujada
((سُبْحَانَ رَبِّيَ الأَعْلَى)) ثلاث مرَّاتٍ.
(Tsarki ya tabbata ga Ubangijina, Mafi ɗaukaka.’(sau uku))
((سُبْحَانَكَ اللَّهُمَّ رَبَّنَا وَبِحَمْدِكَ، اللَّهُمَّ اغْفِرْ لِي)).
(Tsarki ya tabbata a gare Ka, ya Allah, Ubangijinmu, kuma da godiyarka. Ya Allah, Ka gafarta mini.)
((سُبوحٌ، قُدُّوسٌ، رَبُّ الْمَلَائِكَةِ وَالرُّوحِ)).
(Mai tsarki kuma Mai tsarkaka (Shi ne), Ubangijin mala’iku da Rūh (wato Jibril).)
((اللَّهُمَّ لَكَ سَجَدْتُ وَبِكَ آمَنْتُ، وَلَكَ أَسْلَمْتُ، سَجَدَ وَجْهِيَ لِلَّذِي خَلَقَهُ، وَصَوَّرَهُ، وَشَقَّ سَمْعَهُ وَبَصَرَهُ، تَبَارَكَ اللَّهُ أَحْسنُ الْخَالِقينَ)).
(Ya Allah, gare Ka na yi sujada, kuma da Kai na yi imani, kuma gare Ka na miƙa wuya. Fuskata ta yi sujada ga Wanda Ya halicce ta kuma Ya surace ta, kuma Ya buɗe mata ji da gani. Albarka ta tabbata ga Allah, Mafi kyawun masu halitta.)
((سُبْحَانَ ذِي الْجَبَرُوتِ، وَالْمَلَكُوتِ، وَالْكِبْرِيَاءِ، وَالْعَظَمَةِ)).
(Tsarki ya tabbata a gare Shi, Ma’abucin cikakken iko, mulki, ɗaukaka da girma.)
((اللَّهُمَّ اغْفِرْ لِي ذَنْبِي كُلَّهُ: دِقَّهُ وَجِلَّهُ، وَأَوَّلَهُ وَآخِرَهُ، وَعَلاَنِيَّتَهُ وَسِرَّهُ)).
(Ya Allah, Ka gafarta mini dukkan zunubaina, ƙanana da manya daga cikinsu, na farko da na ƙarshe, na bayyane da na ɓoye.)
((اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقوبَتِكَ، وَأَعُوذُ بِكَ مِنْكَ، لاَ أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ)).
(Ya Allah, ina neman tsari da yardarka daga fushinka, da afuwarka daga azabarka, kuma ina neman tsarinka daga Kai. Ba zan iya ƙididdige yabonka ba, Kai kamar yadda Ka yabi kanka ne.)
Addu'o'i bayan tahiya ta ƙarshe da kafin ƙare sallah
((اللَّهُــمَّ إِنِّي أَعُوذُ بِكَ مِنْ عَذَابِ الْقَبْرِ، وَمِنْ عَذَابِ جَهَنَّمَ، وَمِنْ فِتْنَةِ الْمَحْيَا وَالْمَمَاتِ، وَمِنْ شَرِّ فِتْنَةِ الْمَسِيحِ الدَّجَّالِ)).
(Ya Allah, ina neman tsarinka daga azabar kabari, da azabar Wuta, da fitintinun rayuwa da mutuwa, da sharrin fitinar Al-Masihu Ad-Dajjal.)(Al-Masihu Ad-Dajjal: yana daga manyan alamomin tashin ƙiyama kuma mafi girman fitina da za ta riski bil’adama, wadda kowane Annabi ya yi gargaɗi a kanta. Yawancin mutane za su bi shi. Zai fito daga Asbahan, a Iran, a lokacin da Musulmi za su buɗe Kustantiniyya. Za a ba shi ikoki na musamman, zai sa gaskiya ta zama ƙarya, ƙarya ta zama gaskiya. Zai yi da’awar cewa shi mai gaskiya ne, sannan ya yi da’awar annabci, daga ƙarshe kuma ya yi da’awar ubangijantaka. Daga siffofinsa akwai cewa shi makaho ne a idonsa na dama, wanda hujja ce ƙwaƙƙwara da ke karyata da’awarsa ta zama Allah, domin alamar naƙasa ce. Za a rubuta kalmar Kafir a tsakanin idanunsa wadda kowane mumini, mai karatu ko wanda ba ya karatu, zai gane.)
((اللَّهُمَّ إِنِّي أَعوذُ بِكَ مِنْ عَذَابِ الْقَبْرِ، وَأَعوذُ بِكَ مِنْ فِتْنَةِ الْمَسِيحِ الدَّجَّالِ، وَأَعوذُ بِكَ مِنْ فِتْنَةِ الْمَحْيَا وَالْمَمَاتِ. اللَّهُمَّ إِنِّي أَعوذُ بِكَ مِنَ الْمَأْثَمِ وَالْمَغْرَمِ)).
(Ya Allah, ina neman tsarinka daga azabar kabari, kuma ina neman tsarinka daga fitinar Al-Masihu Ad-Dajjal, kuma ina neman tsarinka daga fitintinun rayuwa da mutuwa. Ya Allah, ina neman tsarinka daga zunubi da bashi.)
((اللَّهُمَّ إِنِّي ظَلَمْتُ نَفْسِي ظُلْماً كَثِيراً، وَلاَ يَغْفِرُ الذُّنوبَ إِلاَّ أَنْتَ، فَاغْفِرْ لِي مَغْفِرَةً مِنْ عِنْدِكَ وَارْحَمْنِي، إِنَّكَ أَنْتَ الغَفورُ الرَّحيمُ)).
(Ya Allah, lallai na zalunci kaina da yawa, kuma babu mai gafarta zunubi sai Kai, don haka Ka gafarta mini gafara daga wurinka, kuma Ka yi mini rahama. Lallai Kai ne Mai yawan gafara, Mai jin ƙai.)(Daga wurinka: wato daga falalarka ta cikin gida ba tare da cancanta ba, gafara wadda ta dace da girman karamcinka.)
((اللَّهُمَّ اغْفِرْ لِي مَا قَدَّمْتُ، وَمَا أَخَّرْتُ، وَمَا أَسْرَرْتُ، وَمَا أَعْلَنْتُ، وَمَا أَسْرَفْتُ، وَمَا أَنْتَ أَعْلَمُ بِهِ مِنِّي. أَنْتَ الْمُقَدِّمُ، وَأَنْتَ الْمُؤَخِّرُ لاَ إِلَهَ إِلاَّ أَنْتَ)).
(Ya Allah, Ka gafarta mini zunuban da suka wuce da waɗanda za su zo, da waɗanda na yi a ɓoye da waɗanda na yi a fili, da inda na wuce iyaka, da abubuwan da Kai ne Ka fi ni saninsu. Kai ne Al-Muqaddim kuma Al-Mu’akhkhir. Babu abin bauta da gaskiya sai Kai.)(Ma’anar Al-Muqaddim da Al-Mu’akhkhir: Allah Yana gabatarwa Yana fifita wanda Ya so daga cikin halittarsa kamar yadda Yake jinkirtawa Yana baya da wanda Ya so bisa hikimarsa. Misali: fifita mutum a kan sauran halitta, fifita Annabawa a kan sauran mutane, fifita Muhammad a kan dukkan Annabawa da Manzanni…da sauransu.)
((اللَّهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبادَتِكَ)).
(Ya Allah, Ka taimake ni in ambace Ka, in gode maka, kuma in bauta maka da kyakkyawar ibada.)
((اللَّهُمَّ إِنِّي أَعُوذُ بِكَ مِنَ الْبُخْلِ، وَأَعوذُ بِكَ مِنَ الْجُبْنِ، وَأَعُوذُ بِكَ مِنْ أَنْ أُرَدَّ إِلَى أَرْذَلِ الْعُمُرِ، وَأَعُوذُ بِكَ مِنْ فِتْنَةِ الدُّنْيَا وَعَذَابِ الْقَبْرِ)).
(Ya Allah, ina neman tsarinka daga rowa da tsoro, ina neman tsarinka kada a mayar da ni zuwa mafi muni na rayuwa “wato tsufa, rauni, rashin iyawa da kasancewa cikin tsoro”, kuma ina neman tsarinka daga fitintinun wannan rayuwa da azabar kabari.)
((اللَّهُمَّ إِنِّي أَسْأَلُكَ الْجَنَّةَ وَأَعُوذُ بِكَ مِنَ النَّارِ)).
(Ya Allah, ina roƙonka Aljanna kuma ina neman tsarinka daga Wuta.)
((اللَّهُمَّ بِعِلْمِكَ الغَيْبَ وَقُدْرَتِكَ عَلَى الْخَلقِ أَحْيِنِي مَا عَلِمْتَ الْحَيَاةَ خَيْراً لِي، وَتَوَفَّنِي إِذَا عَلِمْتَ الْوَفَاةَ خَيْراً لِي، اللَّهُمَّ إِنِّي أَسْأَلُكَ خَشْيَتَكَ فِي الْغَيْبِ وَالشَّهَادَةِ، وَأَسْأَلُكَ كَلِمَةَ الْحَقِّ فِي الرِّضَا وَالْغَضَبِ، وَأَسْأَلُكَ الْقَصْدَ فِي الْغِنَى وَالْفَقْرِ، وَأَسْأَلُكَ نَعِيماً لاَ يَنْفَدُ، وَأَسْأَلُكَ قُرَّةَ عَيْنٍ لاَ تَنْقَطِعُ، وَأَسْأَلُكَ الرِّضَا بَعْدَ الْقَضَاءِ، وَأَسْــــأَلُكَ بَرْدَ الْعَيْشِ بَعْدَ الْمَوْتِ، وَأَسْأَلُكَ لَذَّةَ النَّظَرِ إِلَى وَجْهِكَ، وَالشَّوْقَ إِلَى لِقائِكَ فِي غَيرِ ضَرَّاءَ مُضِرَّةٍ، وَلاَ فِتْنَةٍ مُضِلَّةٍ، اللَّهُمَّ زَيِّنَا بِزِينَةِ الإِيمَانِ، وَاجْعَلْنَا هُدَاةً مُهْتَدِينَ)).
(Ya Allah, da saninka na gaibu da ikonka a kan halitta, Ka rayar da ni muddin Ka san rayuwa ta fi alheri a gare ni, kuma Ka karɓi raina idan Ka san mutuwa ta fi alheri a gare ni. Ya Allah, Ka sa ni in ji tsoronka a ɓoye da a fili, kuma ina roƙonka Ka sa ni in faɗi gaskiya a lokacin yarda da fushi.Ina roƙonka Ka sa ni in zama mai tsakaitawa a lokacin arziki da talauci, kuma ina roƙonka ni’ima mai dawwama da farin ciki wanda ba zai ƙare ba.Ina roƙonka Ka sa ni in yarda da abin da Ka hukunta, da rayuwa mai sauƙi bayan mutuwa.Ina roƙonka daɗin kallon fuskarka da begen saduwa da Kai ba tare da wata masifa mai cutarwa ko fitina mai ɓatarwa ba. Ya Allah, Ka ƙawata mu da ƙawar imani kuma Ka sanya mu daga cikin masu shiryarwa kuma shiryayyu.)
((اللَّهُمَّ إِنِّي أَسْأَلُكَ يَا أَللَّهُ بِأَنَّكَ الْوَاحِدُ الْأَحَدُ الصَّمَدُ الَّذِي لَمْ يَلِدْ وَلَمْ يولَدْ، وَلَمْ يَكنْ لَهُ كُفُواً أَحَدٌ، أَنْ تَغْفِرَ لِي ذُنُوبِي إِنَّكَ أَنْتَ الْغَفُورُ الرَّحِّيمُ)).
(Ya Allah, ina roƙonka, ya Allah, domin Kai Ɗaya ne, Makaɗaici, AS-Samad, Wanda bai haifa ba kuma ba a haife Shi ba, kuma babu wani da yake kamarsa, Ka gafarta mini zunubaina, domin lallai Kai ne Mai yawan gafara, Mai jin ƙai.)(AS-Samad: Ubangiji Mai wadatar kansa, Ma’abucin cikakkun siffofi wanda dukkan halitta take komawa gare Shi a kowace bukata.)
((اللَّهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلاَّ أَنْتَ وَحْدَكَ لاَ شَرِيكَ لَكَ، الْمَنَّانُ، يَا بَدِيعَ السَّمَوَاتِ وَالْأَرْضِ يَا ذَا الْجَلاَلِ وَالْإِكْرَامِ، يَا حَيُّ يَا قَيُّومُ إِنِّي أَسْأَلُكَ الْجَنَّةَ وَأَعُوذُ بِكَ مِنَ النَّارِ)).
(Ya Allah, ina roƙonka domin gare Ka ne dukkan godiya take, babu abin bauta da gaskiya sai Kai, kai kaɗai, ba ka da abokin tarayya. Kai ne Mai yawan ni’ima. Ya Mai ƙirƙirar sammai da ƙasa, ya Ma’abucin girma da karamci, ya Rayayye, ya Tsayayye da kansa kuma Mai tsayar da kome, lallai ina roƙonka Aljanna kuma ina neman tsarinka daga Wuta.)
((اللَّهُمَّ إِنِّي أَسْأَلُكَ بِأَنَّي أَشْهَدُ أَنَّكَ أَنْتَ اللَّهُ لاَ إِلَهَ إِلاَّ أَنْتَ الْأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُواً أَحَدٌ)) .
(Ya Allah, ina roƙonka, domin ina shaida cewa Kai ne Allah, babu abin bauta da gaskiya sai Kai, Ɗaya, AS-Samad, Wanda bai haifa ba kuma ba a haife Shi ba, kuma babu wani da yake kamarsa.)(AS-Samad: Ubangiji Mai wadatar kansa, Ma’abucin cikakkun siffofi wanda dukkan halitta take komawa gare Shi a kowace bukata.)
